Latest

अहिल्यानगरच्या गोळीबार प्रकरणाला मोठे वळण ! खोट्या नावाने राहत होते, पोलिसांनी…

नेवासा तालुक्यातील गोळीबार आणि तलवारीने हल्ला केल्याच्या गंभीर प्रकरणातील दोन फरार आरोपींना कोल्हापूर पोलिसांनी अटक केली आहे. स्थानिक गुन्हे अन्वेषण शाखेने गोकुळ शिरगाव परिसरात ही कारवाई केली.

मंडळी, ही बातमी तुम्ही पाहताय, पण त्याआधी अहिल्यानगर जिल्ह्यातील महत्त्वाच्या आणि ताज्या बातम्यांसाठी AhilyanagarLive24 ला फॉलो करायला विसरू नका! १० ऑक्टोबर रोजी पहाटे नेवासा येथील साईनाथनगर परिसरात रमेश भोसले यांच्यावर हल्ला करण्यात आला होता.

पोलिसांचा खबरी असल्याच्या संशयातून आरोपींनी त्यांच्यावर गोळीबार केला. तसेच तलवारीने वार करून त्यांचा हात तोडल्याची माहिती समोर आली होती. या प्रकरणातील अभिषेक ऊर्फ अभी कल्याण चव्हाण (२४) आणि हरण कल्याण चव्हाण (२२) हे दोघे गोकुळ शिरगाव येथील माधवनगर परिसरात लपून राहत असल्याची माहिती पोलिसांना मिळाली. त्यानंतर सापळा रचून दोघांना अटक करण्यात आली.

विशेष म्हणजे, दोघेही खोट्या नावाने आपली ओळख लपवून राहत असल्याचे तपासात समोर आले आहे. यापूर्वी या प्रकरणात आठ आरोपींना अटक करण्यात आली होती.

आता दोघांना अहिल्यानगर पोलिसांच्या ताब्यात देण्यात आले आहे. मंडळी, अशा सराईत गुन्हेगारांवर कठोर कारवाई व्हायला हवी का? तुमचे मत कमेंटमध्ये नक्की सांगा!

Leave a Reply

Your email address will not be published. Required fields are marked *

Back to top button