
अहिल्यानगर जिल्ह्यातील राहुरी तालुक्यात मुली बेपत्ता होण्याच्या सलग तीन घटना समोर आल्याने परिसरात चिंता व्यक्त केली जात आहे. यामध्ये ११, १७ आणि १८ वर्षांच्या मुलींचा समावेश असून, तिन्ही प्रकरणांत राहुरी पोलिस ठाण्यात गुन्हे दाखल करण्यात आले आहेत.
मंडळी, ही बातमी तुम्ही पाहताय, पण त्याआधी अहिल्यानगर जिल्ह्यातील महत्त्वाच्या आणि ताज्या बातम्यांसाठी AhilyanagarLive24 ला फॉलो करायला विसरू नका! पहिली घटना १४ नोव्हेंबर रोजी घडली.
एका गावातील ११ वर्षीय चिमुरडी सकाळी घरातून बेपत्ता झाल्याचे समोर आले. दुसरी घटना देवळाली प्रवरा येथे घडली. ९ नोव्हेंबर रोजी १८ वर्षे २ महिन्यांची तरुणी घराबाहेर गेल्यानंतर परतलीच नाही. तिसऱ्या घटनेत सडे परिसरातील १७ वर्षीय महाविद्यालयीन तरुणी बेपत्ता झाली. कुटुंबीयांनी सर्वत्र शोध घेतला, मात्र तिचा ठावठिकाणा लागला नाही.
या तिन्ही घटनांमध्ये अज्ञात व्यक्तींनी फूस लावून पळवून नेल्याच्या संशयावरून गुन्हे दाखल करण्यात आले आहेत. सलग घडलेल्या घटनांमुळे पालकांमध्ये भीती वाढली असून, बेपत्ता मुलींचा तातडीने शोध घेण्याची मागणी होत आहे. मंडळी, मुलींच्या सुरक्षिततेसाठी पोलिस प्रशासनाने कोणत्या उपाययोजना करायला हव्यात? तुमचे मत कमेंटमध्ये नक्की सांगा!





