Latest

निळवंडे धरणाचे पाणी गावागावांत पोहोचणार; आ. आशुतोष काळेंचे अधिकाऱ्यांना महत्त्वाचे निर्देश!

कोपरगाव तालुक्यातील दुष्काळी परिस्थिती लक्षात घेता निळवंडे धरणाच्या कालव्यांमधून सोडण्यात आलेल्या पाण्याचा जास्तीत जास्त फायदा शेतकरी आणि ग्रामस्थांना मिळणार आहे. मंडळी, ही बातमी तुम्ही पाहताय, पण त्याआधी अहिल्यानगर जिल्ह्यातील महत्त्वाच्या बातम्यांसाठी Ahilyanagar Live24 ला फॉलो करायला विसरू नका!

यंदा पावसाने ओढ दिल्यामुळे कोपरगाव तालुक्यातील जिरायती गावांमध्ये पिण्याच्या पाण्याचा प्रश्न गंभीर झाला आहे. याच पार्श्वभूमीवर जलसंपदा मंत्री राधाकृष्ण विखे पाटील यांच्या पुढाकारातून निळवंडे धरणाच्या डाव्या आणि उजव्या कालव्यांना आवर्तन सोडण्यात आले आहे.

या पाण्याचा लाभ संपूर्ण लाभक्षेत्राला मिळावा, यासाठी आमदार आशुतोष काळे यांनी पाटबंधारे विभागाच्या अधिकाऱ्यांना महत्त्वाचे निर्देश दिले आहेत. तळेगाव शाखा कालव्यातून सर्व साठवण तलाव, गाव तलाव, बंधारे आणि ओढे पूर्ण क्षमतेने भरून देण्याच्या सूचना त्यांनी केल्या आहेत.

तसेच निळवंडे वितरिका पाइपलाइनची उर्वरित कामे तातडीने पूर्ण करण्यास सांगितले आहे. दरम्यान, २१ किंवा २२ तारखेला तळेगाव शाखा कालव्याला पाणी सोडण्यात येणार असल्याची माहिती पाटबंधारे विभागाने दिली आहे. मंडळी, निळवंडे धरणाच्या पाण्यामुळे दुष्काळी गावांना मोठा दिलासा मिळेल का? तुमचे मत कमेंटमध्ये नक्की सांगा!

Leave a Reply

Your email address will not be published. Required fields are marked *

Back to top button