प्रेम, धोका आणि धमकी…! लग्नाच आमिष दाखवून २३ वर्षीय तरुणीवर वेळोवेळी अत्याचार, नेवाशातील प्रकरणाने जिल्ह्यात खळबळ

गणेशवाडी परिसरातील २३ वर्षीय तरुणीने दिलेल्या फिर्यादीवरून सोनई पोलीस ठाण्यात रियाज रफिक शेख या तरुणाविरुद्ध गुन्हा दाखल करण्यात आला आहे.

फिर्यादीनुसार, जून २०२० ते ऑगस्ट २०२६ या कालावधीत आरोपीने लग्नाचे आमिष दाखवत तरुणीला विविध ठिकाणी नेले आणि तिच्यावर लैंगिक अत्याचार केल्याचा आरोप आहे.

काही काळानंतर तरुणीने आरोपीकडे लग्नाबाबत विचारणा केली. मात्र, यावेळी त्याने तिला धमकी दिल्याचे तक्रारीत नमूद करण्यात आले आहे.

या प्रकरणी पोलिसांनी भारतीय न्याय संहितेतील संबंधित कलमांसह पॉक्सो कायद्यानुसार गुन्हा दाखल केला आहे. या प्रकरणाचा पुढील तपास सहायक पोलीस निरीक्षक अनिल मोरे करत आहेत.

मात्र, या प्रकरणातील आरोपांबाबतचा अंतिम निर्णय न्यायालयीन प्रक्रियेनंतरच स्पष्ट होणार आहे.