अहिल्यानगर जिल्हा मध्यवर्ती सहकारी बँकेच्या निवडणुकीचं मतदान पार पडलंय. आता आज सकाळी नऊ वाजल्यापासून मतमोजणीला सुरुवात होणार आहे. पण ही मतमोजणी नेमकी कुठे आणि कशी होणार? चला जाणून घेऊया. पण त्याआधी अहिल्यानगर लाईव्ह 24 ला फॉलो करा आणि हा व्हिडिओ शेवटपर्यंत नक्की बघा.
मंडळी, नगर-कल्याण रोडवरील अमरज्योत मंगल कार्यालयात मतमोजणीची व्यवस्था करण्यात आली आहे. यासाठी जिल्ह्यातील १४ तालुक्यांमधील एकूण ६० मतपेट्या आणण्यात आल्या आहेत. विशेष म्हणजे, मतमोजणी तीन फेऱ्यांमध्ये होणार आहे.
पहिल्या फेरीत अकोले, कर्जत, राहुरी आणि पारनेर या मतदार संघातील मतांची मोजणी केली जाणार आहे. दुसऱ्या फेरीत १४ टेबलवर शेतीपूरक मतदारसंघाची मतमोजणी होईल.
तर तिसऱ्या फेरीत महिला राखीव, अनुसूचित जाती-जमाती, भटक्या विमुक्त जाती आणि इतर मागासवर्गीय मतदारसंघाची मतमोजणी केली जाणार आहे. या संपूर्ण प्रक्रियेसाठी सीसीटीव्ही आणि कडेकोट पोलीस बंदोबस्त ठेवण्यात आला आहे.
दुपारी बारापर्यंत निकालाचं चित्र स्पष्ट होण्याची शक्यता आहे. तुम्हाला काय वाटतं, जिल्हा बँकेवर कोणाचं वर्चस्व राहणार? कमेंट करून नक्की सांगा!
