श्रीरामपूरच्या राजकीय आणि न्यायालयीन वर्तुळातून एक मोठी बातमी समोर आली आहे. सागर बेग यांच्या अंतरिम जामिनाबाबत छत्रपती संभाजीनगर उच्च न्यायालयाने महत्त्वाचा निकाल दिला आहे.
२२ सप्टेंबर रोजी श्रीरामपूर सेशन कोर्टाने रद्द केलेल्या तात्पुरत्या जामिनाविरोधात दाखल याचिकेवर सुनावणी झाली. या सुनावणीदरम्यान सागर बेग यांच्या वतीने ॲडव्होकेट आशुतोष श्रीवास्तव यांनी व्हिडिओ कॉन्फरन्सिंगद्वारे युक्तिवाद केला.
तर ॲडव्होकेट संकेत ठाणगे यांनीही न्यायालयीन प्रक्रियेत बाजू मांडली. अखेर उच्च न्यायालयाने सागर बेग यांचा अंतरिम जामीन कायम ठेवण्याचा निर्णय घेतला. त्यामुळे त्यांना मोठा कायदेशीर दिलासा मिळाला आहे.
मात्र, या निर्णयाची चर्चा केवळ न्यायालयापुरती मर्यादित नाही. सागर बेग यांची राजकीय पार्श्वभूमी आणि उमेदवारीवरून यापूर्वी झालेल्या चर्चांमुळे श्रीरामपूरच्या राजकीय वर्तुळाचेही या निकालाकडे लक्ष होते.
आता पुढील न्यायालयीन प्रक्रिया काय वळण घेते आणि त्याचा त्यांच्या राजकीय वाटचालीवर काय परिणाम होतो, हे पाहणं महत्त्वाचं ठरणार आहे.
