शरीरातील हे बदल वेळेत ओळखा, कॅन्सरचा धोका ओळखण्यासाठी ‘या’ ५ तपासण्या केल्याचं पाहिजेत

कॅन्सरची लक्षणं दिसण्याची वाट पाहण्यापेक्षा योग्य वेळी तपासणी करणं महत्त्वाचं आहे. पण प्रत्येक व्यक्तीला सर्व टेस्ट आवश्यक असतातच असं नाही. वय, लिंग आणि कौटुंबिक इतिहासानुसार डॉक्टर योग्य स्क्रीनिंग सुचवतात.

महिलांसाठी स्तनाच्या कॅन्सरच्या स्क्रीनिंगमध्ये मॅमोग्राफी महत्त्वाची तपासणी आहे. गर्भाशयाच्या मुखाच्या कॅन्सरसाठी HPV टेस्ट किंवा पॅप स्मिअर केली जाते.

कोलन कॅन्सरसाठी स्टूलमध्ये लपलेलं रक्त तपासणारी FIT टेस्ट किंवा गरजेनुसार कोलोनोस्कोपी केली जाऊ शकते. धूम्रपानाचा मोठा इतिहास असलेल्या व्यक्तींमध्ये फुफ्फुसाच्या कॅन्सरसाठी लो-डोस CT स्कॅनचा विचार केला जातो.

त्वचेवर संशयास्पद तीळ किंवा डाग दिसल्यास त्वचारोगतज्ज्ञांकडून तपासणी करून आवश्यक असल्यास बायोप्सी केली जाते.

महत्त्वाचं म्हणजे, कॅन्सर शोधण्यासाठी प्रत्येकासाठी एकच ‘फुल बॉडी’ टेस्ट किंवा रक्ताची तपासणी पुरेशी नसते. योग्य वयात योग्य स्क्रीनिंग आणि संशयास्पद बदल दिसल्यास डॉक्टरांचा सल्ला घेणं अधिक महत्त्वाचं आहे.