राहाता बाजार समितीत कांद्याच्या दराने पुन्हा एकदा शेतकऱ्यांचे लक्ष वेधून घेतले आहे. कांद्याची आवक वाढलेली असतानाही सर्वोत्तम प्रतीच्या कांद्याला प्रतिक्विंटल ४ हजार ८०० रुपयांपर्यंत भाव मिळाला आहे. मात्र, सर्वच कांद्याला एवढा भाव मिळालाय का ?
चला जाणून घेऊयात बाजारभाव ! मंडळी, मंगळवारी राहाता बाजार समितीत कांद्याच्या १ हजार २५९ गोण्यांची आवक झाली. त्यात प्रथम क्रमांकाच्या कांद्याला ३ हजार ५०० ते ४ हजार ८०० रुपये, दुसऱ्या क्रमांकाला २ हजार २०० ते ३ हजार ४५० रुपये, तर तिसऱ्या क्रमांकाच्या कांद्याला १ हजार ते २ हजार १५० रुपये प्रतिक्विंटल भाव मिळाला. गोल्टी कांद्याला १ हजार ५०० ते ३ हजार २००, तर जोड कांद्याला ७०० ते १ हजार ४०० रुपये भाव मिळाला.
दुसरीकडे बाजारात डाळिंबाच्या ३ हजार ५०९ क्रेट्सची आवक झाली. दर्जानुसार डाळिंबाला १० ते ३०५ रुपये प्रतिकिलो भाव मिळाला. संत्र्याला सरासरी २० रुपये, तर सीताफळाला सरासरी ७५ रुपये प्रतिकिलो भाव मिळाला. सोयाबीनला ६ हजार ६०० रुपये प्रतिक्विंटल दर मिळाला.
