संकटाची वेळ सांगून येत नाही… पण संकटात मदत मिळवण्यासाठी तुमच्या मोबाईलमध्ये एक सरकारी ॲप तयार ठेवा!
महिला, मुली, ज्येष्ठ नागरिक किंवा कोणत्याही व्यक्तीला अचानक आपत्कालीन परिस्थितीचा सामना करावा लागला, तर ‘112 इंडिया’ ॲप उपयोगी ठरू शकते.
या ॲपमध्ये पोलिस, अग्निशमन, वैद्यकीय मदत, आपत्ती व्यवस्थापन, महिला सुरक्षा, SOS आणि ‘Track Me’ अशा सुविधा उपलब्ध आहेत.
संकटाच्या वेळी संबंधित पर्याय निवडल्यानंतर काही सेकंदांचा काउंटडाउन सुरू होतो. त्यानंतर वापरकर्त्याचं लोकेशन पोलिस कंट्रोल रूमपर्यंत पोहोचू शकतं. गरज असल्यास मदतीसाठी संपर्कही केला जाऊ शकतो.
अचानक धोका निर्माण झाला आणि काय करावं सुचत नसेल, तर SOS फीचर वापरता येतं. प्रवासादरम्यान असुरक्षित वाटत असल्यास ‘Track Me’च्या माध्यमातून लोकेशन शेअर करण्याची सुविधा मिळते. याशिवाय कुटुंबातील किंवा विश्वासू व्यक्तींचे Emergency Contacts देखील जोडता येतात.
हे ॲप Android आणि iPhone दोन्ही वापरकर्त्यांसाठी उपलब्ध आहे. मात्र कोणत्याही आपत्कालीन परिस्थितीत स्थानिक आपत्कालीन सेवांशी थेट संपर्क करणंही महत्त्वाचं आहे.
